वेडाचा शोध घ्यायचा, माणूस वेडा का होतो याच्या कारणांशी जाण्याचा प्रयत्न करायचा हा या पुस्तकाचा उद्देश होता. तो किती सफल झाला हे वाचक ठरवतीलच; पण माणसं वेडी का होतात, हे स्वत:च्या अनुभवातून सांगण्याची प्रज्ञा आणि त्यासाठी अविरत बांधिलकीचं समर्पण माझ्यात रुजवणारं हे पुस्तक आहे. मी मनोरुग्णालयांच्या परिघात पाऊल ठेवलं, तेव्हाच मला भेटलेला प्रत्येक रुग्ण ‘मला तुझी सहानुभूती नकोय, तर तुलाच आमच्या सहानुभूतीची गरज आहे’ असं जणू सांगू लागला. प्रत्येक रुग्ण!